Սաղմոսավանքի վանքը գտնվում է Մուղնու եկեղեցուց հարավ՝ Արագածոտնի մարզում։ Այն կառուցվել է Սաղմոսավանք գյուղում՝ Քասաղ գետի խոր կիրճի մոտ։ Վերջինիս հիանալի դիրքը լրացուցիչ գեղեցկություն և հմայք է հաղորդում վանքին: Ըստ ավանդության, Գրիգոր Լուսավորչի սաղմոսերգությունը լսվում էր ﬕ քանի մղոններ հեռավորության վրա, երբ նա հաստատվել էր Քասախի կիրճում՝ եկեղեցու տակ։ Այս պատճառով էլ վանքը կոչեցին Սաղմոսավանք: Սաղմոսավանքը նաև գեղագրության նշանակալից կենտրոն էր, հայտնի էր ﬕջնադարյան ձեռագրերով և գրապահոցով։ Պահպանվել են այնտեղ գրված և ընդօրինակված ﬕ քանի ձեռագրեր։ Հովհաննավանքի վանքը Սաղմոսավանքից մոտ 5 կմ հարավ է։ Հովհաննավանքը 7-րդ դարի խոշոր հուշարձան է։ Համալիրն ունի 12-րդ դարի պարիսպ՝ աշտարակներով դեպի արևմուտք, 13-րդ դարի եկեղեցի և գավիթ, վաղ ﬕանավ եկեղեցի։ Գլխավոր եկեղեցին նվիրված է Սուրբ Կարապետին։ Վանքն ունի հարուստ քարե հարդարանք, բազմաթիվ արձանագրություններ։ Տևողությունը՝ 6 ժամ։